на правах рекламы

Кӯдакон ба масъалаҳои об бетараф нестанд

Муҳарир: archive аз 21-06-2018, 07:26
19-уми июн дар Китобхонаи миллии Тоҷикистон дар доираи Конфронси байналмилалии сатҳи баланд оид ба «Даҳсолаи байналмилалии амал «Об барои рушди устувор, 2018-2028», ки рӯзҳои 20-22-юми июни соли ҷорӣ баргузор мегардад, Форуми кӯдакон оид ба масъалаҳои об доир гардид, ки аз се бахш: «Садои кӯдакон: Мизи гирд бо писарону духтарон», «Беҳтарин сармоягузорӣ дар ҷаҳон: Баррасии масоили рушди бармаҳали кӯдакон (РБК), об, санитария ва гигиена (WASH)» ва «Наврасон дар ҷустуҷӯи роҳҳои инноватсионӣ» иборат буд. Дар он вазири маориф ва илми Ҷумҳурии Тоҷикистон Нуриддин Саид, муовини якуми вазир Раҳматулло Мирбобоев, муовини вазир Латофат Назирӣ, намояндаи ЮНИСЕФ дар Тоҷикистон Лучиано Калестини, ҳамоҳангсози доимии Созмони Милали Муттаҳид дар Тоҷикистон Пратибҳа Меҳта, муовини якуми вазири тандурустӣ ва ҳифзи иҷтимоии аҳолии Ҷумҳури Тоҷикистон Саида Умарзода, намояндаи Ҳаракати глобалии васеъкунии ғизо (SUN) Герда Вербург, намояндаи доимии Банки ҷаҳонӣ дар Тоҷикистон Ян Питерс Олтерс, сардори шуъбаи ҳамкориҳои Намояндагии Иттиҳоди Аврупо дар Тоҷикистон Мачей Мадалински, сардорони раёсату шуъбаҳои маориф ва донишҷӯёну хонандагони муассисаҳои таълимии шаҳру навоҳии ҷумҳурӣ, шарикони рушд, меҳмонон аз кишварҳои хориҷи дуру наздик иштирок ва суханронӣ намуданд. 
Зимни сухани ифтитоҳии вазири маориф ва илми кишвар Нуриддин Саид ва муовини якуми вазири маориф ва илми мамлакат Раҳматулло Мирбобоев қайд гардид, ки 21-уми декабри соли 2016 бо пешниҳоди ҷониби Тоҷикистон ва иқдоми шахсии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон Маҷмааи Умумии Созмони Милали Муттаҳид Қатъномаи «Даҳсолаи байналмилалии амал «Об барои рушди устувор, солҳои 2018-2028»-ро қабул намуд, ки он идомаи мантиқии Даҳсола байналмилалии амал «Об барои ҳаёт, 2005-2015» буда, ҷиҳати расидан ба Ҳадафҳои рушди устувор мусоидат хоҳад кард. Чорабинии имрӯзаи мо-Форуми кӯдакон оид ба масъалаҳои об низ дар доираи ин ташаббусҳои Ҷумҳурии Тоҷикистон ва барномаи Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор, 2018-2028» доир мегардад. 
Намояндаи ЮНИСЕФ дар Тоҷикистон Лучиано Калестини ба Ҳукумати Ҷумҳурии Тоҷикистон барои баргузории чунин чорабинии сатҳи баланд изҳори ташаккур намуда, афзуд, ки тибқи оморҳо дар рӯйи олам ҳар рӯз ба ҳисоби  миёна 700 кӯдак аз сабаби нарасидани оби ошомиданӣ ба ҳалокат мерасанд. Зиёда аз 250 миллион нафар барои пайдо кардани оби тоза ҷойи зисташонро иваз менамоянд. Дар даҳсолаи аввал нақшаву барномаҳои тарҳрезишуда пурра амалӣ гаштанд, ки ин боиси хурсандист. 
Сипас, хонандагони муассисаҳои таълимии кишвар-ғолибони озмуни иншо дар мавзӯи  «Аҳамияти дастрасӣ ба об, санитария ва гигиена барои таҳсилоти босифат» доир ба масоили об фикру андешаҳои худро иброз доштанд. 
Дар бахши «Беҳтарин сармоягузорӣ дар ҷаҳон: Баррасии масоили рушди бармаҳали кӯдакон (РБК), об, санитария ва гигиена (WASH)» ҳозирин дар мавзӯъҳои «Гуногунсоҳа ва муҳим  будани масоили об, санитария ва гигиена, ҳамчунин аҳамияти он ҷиҳати расидан ба натиҷаҳо дар масоили ғизо ва Рушди Бармаҳали Кӯдакон барои кӯдакон ва оилаҳои онҳо», «Арзиши иқтисодӣ ва аҳамияти иҷтимоии Рушди Бармаҳали Кӯдакон ва об, санитария ва гигиена» андешаронӣ карданд.
Муовини вазири маориф ва илм Латофат Назирӣ иброз дошт, ки ҳамасола дар миқёси кишвар шумораи зиёди муассисаҳои таълимии томактабӣ сохта ба истифода дода мешаванд, то ин ки теъдоди бештари кӯдакон ба таълиму тарбия фаро гирифта шаванд. Инчунин, аз ҷониби вазорат 35 номгӯй китоби бадеии бачагона бо теъдоди 40 ҳазор нусха чоп шуда, ба мактабҳо дастрас гардид. Ҳамзамон, ишора намуд, ки шурӯъ аз соли 2020 қадамҳои аввалин барои гузариш ба низоми таҳсили 12-сола гузошта мешаванд. 
Муовини якуми вазири тандурустӣ ва ҳифзи иҷтимоии аҳолӣ Саида Умарзода қайд кард, ки норасоии микронутриентҳо (витамину минералҳо) яке аз сабабҳои асосии беморӣ ва фавти кӯдакон мебошад. Ғизои солим аз рӯзи якуми ҳомиладорӣ ва то ду соли аввали ҳаёти кӯдак, яъне 1000 рӯз муҳим аст.
Намояндаи Ҳаракати глобалии васеъкунии ғизо (SUN) Герда Вербург гуфт, ки Ҷумҳурии Тоҷикистон аз соли 2013 аъзои Ҳаракати глобалӣ гардидааст. Айни замон 60 кишвари олам аъзои ҳаракати номбурда мебошанд.  
Дар бахши сеюми форум озмуни ҷумҳуриявии «Наврасон дар ҷустуҷӯи роҳҳои инноватсионӣ» баргузор гардид. Дар ин бахш лоиҳаҳои хонандагони литсейи №2-и шаҳраки Шайдони ноҳияи Ашти вилояти Суғд соҳиби ҷойи аввал, хонандагони мактаби №1-и ноҳияи Рӯдакӣ соҳиби ҷойи дуюм ва донишҷӯёни Донишгоҳи Осиёи Марказии шаҳри Хоруғи Вилояти Мухтори Кӯҳистони Бадахшон соҳиби ҷойи сеюм гардиданд. 
Муовини якуми вазир Раҳматулло Мирбобоев, намояндаи ЮНИСЕФ дар Тоҷикистон Лучиано Калестини ва дигар меҳмонони расмӣ ба ғолибон ва тамоми иштирокдорон медал ва туҳфаҳои хотиравӣ тақдим намуданд. 
          
 

Дар Душанбе Анҷумани кӯдакон оид ба масоили об пеш аз Конфронси байналмилалии сатҳи баланд «Об барои рушди устувор» баргузор мегардад

Муҳарир: archive аз 21-06-2018, 07:25
20-22 июни соли 2018 дар доираи Ҳадафҳои Рушди Устувор (ҲРУ)-2030 дар Тоҷикистон Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор», 2018-2028 баргузор мешавад, ки ба амалисозии ҲРУ 6: «Таъмини дастрасӣ ва истифодаи оқилонаи об ва беҳдошт барои ҳама» равона шудааст.
Дар чаҳорчӯби ин ҳамоиши байналмилалӣ бо ташаббуси Ҳукумати Ҷумҳурии Тоҷикистон ва ЮНИСЕФ 19 июн барномаи якрӯзаи пеш аз конфронс таҳти унвони «Анҷумани кӯдакон оид ба масоили об» доир мегардад, ки ҳадафи он дастрасии ҳар як кӯдак дар ҳама ҷо ба оби бехатар ва беҳдошт мебошад.
Анҷумани мазкур дар бинои Китобхонаи миллии Тоҷикистон гузаронида шуда, аз се бахши асосӣ иборат хоҳад буд ва дар он садҳо шарикони миллию байналмилалӣ, кӯдакон ва наврасон иштирок мекунанд. Зимнан масъалаҳои таъмини об, беҳдошт ва тозагӣ, инчунин таъсири он ба ояндаи беҳтар барои ҳар як кӯдак баррасӣ мешаванд.
Яке аз бахшҳои асосии Анҷуман баргузории намоишгоҳ аст, ки дар он 14 лоиҳаи беҳтарини озмуни ҷумҳуриявии «Наврасон дар ҷустуҷӯйи роҳҳои инноватсионӣ» ба маърази тамошо гузошта мешаванд. Онҳоро духтарон ва писарони наврас бо мақсади дарёфти роҳу воситаҳои навоваронаи таъмини об, беҳдошт ва тозагӣ тарҳрезӣ кардаанд. Намоишгоҳ дар макони баргузории Анҷуман созмон дода мешавад

Сафари расмии Президенти Ҷумҳурии Беларус Александр Лукашенко дар Ҷумҳурии Тоҷикистон

Муҳарир: archive аз 21-06-2018, 07:18


                  Сафари расмии Президенти Ҷумҳурии Беларус Александр Лукашенко дар                                                             Ҷумҳурии Тоҷикистон



Шоми 14 майи соли 2018 Президенти Ҷумҳурии Беларус Александр Лукашенко бо сафари расмӣ ба Ҷумҳурии Тоҷикистон ташриф овард.

      15 май маросими истиқболи расмии меҳмони олимақом дар назди Қасри миллат баргузор гардид.


Асосгузори  сулҳу  ваҳдати миллӣ – Пешвои миллат, Президенти Ҷумҳурии Тоҷикистон муҳтарамЭмомалӣ Раҳмон Президенти Ҷумҳурии Беларус Александр Лукашенкоро гарму самимӣ истиқболгирифта, ба болои шоҳсуфаи ифтихорӣ даъват карданд.

Маросими истиқбол бо гузориши фармондеҳи Горди фахрӣ, садо додани сурудҳоимиллии ду кишвар, гузаштани сарони давлатҳо аз назди қатори сарбозон, арзиэҳтироми меҳмони олимақом ба Парчами давлатии Тоҷикистон, шиносоӣ бо ҳайатҳоирасмии ду ҷониб ҷараён гирифта, бо гузашти низомии ҷузъу томҳои Горди фахрӣ азназди сарони ду давлат анҷом ёфт.

Пас аз анҷоми маросими истиқболи расмӣ дар Қасри миллат музокироти сатҳи олии Тоҷикистону Беларус дар чаҳорчӯбаи сафари расмии Президенти Ҷумҳурии Беларус ба Тоҷикистон баргузор гашт.

Дар ҷараёни музокироти хоссаи сарони ду кишвар дар фазои дӯстӣ ва ҳусни тафоҳум, ки ба робитаҳои муосири байнидавлатии ду кишвар хос аст, масъалаҳои муҳимтарини рушду таҳкими ҳамкории дуҷониба дар ҳамаи арсаҳои манфиатҳои муштарак ба таври амиқ мавриди баррасӣ қарор гирифтанд.

Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Президенти Ҷумҳурии Беларус Александр Лукашенкоро барои ташрифашон ба Тоҷикистон самимона хайрамақдам гуфта, изҳор доштанд, ки мулоқоту вохӯриҳои сатҳи олӣ ва муносибатҳои мунтазаму судовар дар сатҳи ҳукуматҳо омили муҳим ва мусбӣ дар ташаккули равобити байни ду кишвар мебошанд.

Таъкид гардид, ки Тоҷикистон ҳамеша сатҳи баланди дастовардҳои ҳамкории Тоҷикистону Беларусро қадр мекунад ва ҷонибдори таҳкими минбаъдаи ин ҳамкорӣ мебошад.

 

Сафари расмии Президенти Ҷумҳурии Беларус Александр Лукашенко дар Ҷумҳурии Тоҷикистон

Айни ҳол заминаи меъёриву ҳуқуқии муносибатҳои ду кишварро беш аз 80 санади муҳим танзим менамояд, ки бахшҳову соҳаҳои афзалиятноки ҳамкориро дар бар мегирад.

Ҷонибҳо имзои бастаи нави санадҳои ҳамкориро, ки имрӯз дар чаҳорчубаи сафари расмии Президенти Беларус ба Тоҷикистон қабул мегарданд, омили таконбахши рушду густариши муносибатҳои ояндадори ду кишвар арзёбӣ намуданд.

Барои тақвияти равобити дуҷониба сарони давлатҳо аз раванди инкишофи муносибатҳои парлумонӣ изҳори қаноатмандӣ карда, пешниҳод намуданд, ки фаъолияти гуруҳҳои дӯстии парлумонӣ васеъ ба роҳ монда шавад.

Дар ҷараёни мулоқот бо иштироки ҳайатҳои васеъ, ҷонибҳо муносибатҳои ҳамкории кишварҳоро дар ҷаҳорчубаи ташкилоту созмонҳои бонуфузи минтақавию байналмилалӣ, аз қабили Созмони Милали Муттаҳид, Созмони Амният ва Ҳамкорӣ дар Аврупо, Иттиҳоди Давлатҳои Мустақил, Созмони Аҳдномаи Амнияти Дастаҷамъӣ, баррасӣ карданд.

Президенти мамлакат муҳтарам Эмомалӣ Раҳмон ҷонибдории фаъолонаи Ҷумҳурии Белорусро оид ба ташаббуси глобалии Тоҷикистон дар бораи Даҳсолаи нави байналмилалии амалиёти “Об барои рушди устувор, солҳои 2018-2028” махсус таъкид карданд. Изҳори итминон карда шуд, ки ҳайати Беларус дар Конфронси сатҳи олӣ оид ба татбиқи ҳадафҳо ва вазифаҳои даҳсолаи нави об, ки моҳи июни соли равон дар шаҳри Душанбе баргузор мегардад, фаъолона иштирок мекунад.

Дар ҷараёни мулоқот ҷонибҳо оид ба мавқеи кишварҳояшон дар самти ҳалли мушкилоти глобалӣ, нигоҳдории якҷояи сулҳ ва амният дар минтақа, тағйиёрбии иқлим ва пайомадҳои он, масъалаҳои мубориза бо терроризм, экстремизм ва радикализм, гардиши ғайриқонунии маводи мухаддир ва ҷинояткории муташаккили трансмиллӣ, табодули андеша карданд.

Дар робита ба вазъи мураккаби сиёсӣ дар ҳамсоякишвари Афғонистон, Сарвари давлат муҳтарам Эмомалӣ Раҳмон таъкид доштанд, ки кумаки шарикон дар масъалаҳои пурзур кардани заминаи моддию техникии нерӯҳои сарҳадии Тоҷикистон баҳри таҳкими ҳифзи марзҳои ҷанубии Иттиҳоди Давлатҳои Мустақил зарур аст.

Зимни баррасии муносибатҳои ҳамкорӣ дар бахшҳои тиҷоратию иқтисодӣ, афзоиши гардиши мол байни ду кишвар, сарони давлатҳо зарур шумориданд, ки кори Комиссияи байниҳукуматии тиҷоратию иқтисодӣ ҷоннок карда шуда, татбиқи саривақтии Барномаи байнидавлатии ҳамкории иқтисодӣ то соли ду ҳазору бистум таъмин гардад.

Дар ҷараёни мулоқот масъалаҳои рушди ҳамкорӣ дар самти татбиқи лоиҳаҳои сармоягузорӣ, таъсиси корхонаҳои муштарак оид ба истеҳсоли маҳсулоти истеъмолӣ, доруворӣ, кишоварзӣ, рушди соҳаҳои парандапарварӣ, коркарди маҳсулоти кишоварзӣ, гӯшт ва шир, ба роҳ мондани саноати коғаз, нафту газ, трансформаторҳо, чароғҳо, эҷоди паркҳои технологӣ дар Тоҷикистон бо истифода аз таҷрибаи Беларус, таҳкими робитаҳои доираҳои соҳибкорӣ доир ба истифодаи самаранок аз имкониятҳои фарохи минтақаҳои озоди иқтисодии Тоҷикистон, зарур шумурда шуд.

Зимни музокироти сатҳи олӣ ҷонибҳо ҳамчунин оид ба тавсеаи ҳамкории дуҷониба дар бахшҳои афзалиятноки фарҳангию гуманитарӣ, илму маориф, робитаҳои муассисаҳои олии таълимӣ, тайёр кардани мутахассисони баландихтисоси тиббӣ дар кишварҳои якдигар, ҳавасмандии худро иброз доштанд.

 

 

Сафари расмии Президенти Ҷумҳурии Беларус Александр Лукашенко дар Ҷумҳурии Тоҷикистон

 

Дар фарҷоми музокирот маросими имзои бастаи санадҳои дуҷониба, ки аз 15 созишнома иборат буда, аксари соҳаҳои калидии ҳамкориҳои Тоҷикистону Беларусро дар бар мегиранд, сурат гирифт.

Президенти Ҷумҳурии Тоҷикистон ва Президенти Ҷумҳурии Беларус Изҳороти муштаракро дар хусуси таҳкими дӯстӣ ба имзо расониданд.

Дар ҳузури сарони ду давлат Эмомалӣ Раҳмон ва Александр Лукашенко санадҳои зерини байниҳукуматӣ ва байниидоравӣ ба имзо расонида шуданд:

- Барномаи машваратҳо байни Вазорати корҳои хориҷии Ҷумҳурии Тоҷикистон ва Вазорати корҳои хориҷии Ҷумҳурии Беларус барои солҳои 2018-2019;

- Нақша - чорабиниҳо дар бораи рушди ҳамкории иқтисодию тиҷоратӣ ва гуманитарӣ миёни мақомоти иҷроияи ҳокимияти давлатии шаҳри Душанбеи Ҷумҳурии Тоҷикистон ва Кумитаи иҷроияи шаҳри Мински Ҷумҳурии Беларус барои солҳои 2018-2019;

-  Созишномаи ҳамкорӣ дар соҳаи фаъолияти экспертизаи судӣ байни Вазорати адлияи Ҷумҳурии Тоҷикистон ва Кумитаи давлатии экспертизаҳои судии Ҷумҳурии Беларус;

- Созишномаи ҳамкорӣ дар соҳаи фаъолияти экспертизаи судӣ байни Вазорати корҳои дохилии Ҷумҳурии Тоҷикистон ва Кумитаи давлатии экспертизаҳои судии Ҷумҳурии Беларус;

- Созишномаи ҳамкорӣ дар соҳаи тибби судӣ байни Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Кумитаи давлатии экспертизаҳои судии Ҷумҳурии Беларус;

- Созишнома миёни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Белорус оид ба ҳамкорӣ дар соҳаи маълумоти томактабӣ;

- Созишнома байни Вазорати саноат ва технологияҳои нави Ҷумҳурии Тоҷикистон ва Вазорати саноати Ҷумҳурии Беларус оид ба ҳамкорӣ дар соҳаи саноат;

- Созишнома байни Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Вазорати тандурустии Ҷумҳурии Беларус оид ба ҳамкорӣ дар соҳаи тандурустӣ;

- Барномаи ҳамкории дуҷони байни Тоҷикистону Беларус “Харитаи роҳ” бароисолҳои 2019-2020;

- Созишнома оид ба ҳамкорӣ миёни Кумитаи давлатии идораи замин ва геодезии Ҷумҳурии Тоҷикистон ва Кумитаи давлатии амволи Ҷумҳурии Беларус;

- Созишномаоид ба ҳамкорӣ байни Палатаи ҳисоби Ҷумҳурии Тоҷикистон ва Кумитаи назорати давлатии Ҷумҳурии Беларус;

- Созишномаоид ба ҳамкории илмӣ миёни Академияи илмҳои Ҷумҳурии Тоҷикистон ва Академияи илмҳои Ҷумҳурии Беларус;

- Нақша – чорабиниҳо барои солҳои 2018-2020 ҷиҳати иҷрои Созишнома байни Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистонва Вазорати ҳолатҳои фавқулодаи Ҷумҳурии Беларусоид ба ҳамкорӣ ҷиҳати пешгирии ҳолатҳои фавқулода, ки 28 октябри соли 2011 дар шаҳри Душанбе имзошудааст;

- Созишномаи ҳамкории таълимӣ ва илмӣ байни Донишгоҳи давлатии тиббии Тоҷикистон ба номи Абуалӣ ибни Сино ва Донишгоҳи давлатии тиббии Ҷумҳурии Беларус.

Пас аз анҷоми маросими имзои санадҳои нави ҳамкорӣ сарони давлатҳо муҳтарам Эмомалӣ Раҳмонва Александр Лукашенко аз рӯи натиҷаи мулоқоту музокироти сатҳи олӣ барои доираи васеи хабарнигорон нишасти матбуотӣ оростанд.

Таърихи Саридора

Муҳарир: archive аз 19-06-2018, 14:15
Маълумонома дар бораи таърихи Саридора, нақшаи идоракунӣ ва ташкилотҳои системаи он (соли таъсисёбӣ, таҷдиди сохтор, зарурат, сабаб)


Таърихи Саридора: Саридораи бойгонии назди Ҳукумати Ҷумҳурии Тоҷикистон (минбаъд Саридора) ҳамчун Идораи марказии бойгонӣ дар назди Кумитаи иҷроияи марказии (КИМ) ҶШС Тоҷикистон соли 1930 ташкил шудааст. Соли 1938 ба шӯъбаи бойгонии Комиссариати халқии корҳои дохилии ҶШС Тоҷикистон, соли 1960 ба Идораи бойгонии назди Шӯрои Вазирони ҶШС Тоҷикистон, соли 1980 ба Саридораи бойгонии Шӯрои назди Вазирони ҶШС Тоҷикистон табдил ёфт. Соли 1988 ба сифати шӯъба тобеи Вазорати адлияи ҶШС Тоҷикистон шуд. Соли 1989 Шӯъбаи бойгонии Вазорати адлияи ҶШС Тоҷикистон ба Саридораи бойгонии назди Шӯрои Вазирони ҶШС Тоҷикистон, соли 1991 ба Саридораи бойгонии назди Девони Вазирони Ҷумҳурии Тоҷикистон, соли 1992 ба Саридораи бойгонии назди Шӯрои Вазирони Ҷумҳурии Тоҷикистон, соли 1994 ба Идораи кулли бойгонии назди Ҳукумати Ҷумҳурии Тоҷикистон, аз моҳи декабри соли 2006 ба Саридораи бойгонии назди Ҳукумати Ҷумҳурии Тоҷикистон табдил ёфт.

Бо Фармони Президенти Ҷумҳурии Тоҷикистон аз 30 ноябри соли 2006 № 9 «Дар бораи такмили сохтори мақомоти марказии ҳокимияти иҷроияи Ҷумҳурии Тоҷикистон» Идораи кулли бойгонии назди Ҳукумати Ҷумҳурии Тоҷикистон ба Саридораи бойгонии назди Ҳукумати Ҷумҳурии Тоҷикистон табдил дода шуда, тибқи қарори Ҳукумати Ҷумҳурии Тоҷикистон аз 28 декабри соли 2006 № 616 «Дар бораи Саридораи бойгонии назди Ҳукумати Ҷумҳурии Тоҷикистон» Низомнома ва Сохтори дастгоҳи марказӣ, Нақшаи идоракунӣ ва Номгӯйи муассисаҳои (ташкилотҳои) системаи Саридораи бойгонии назди Ҳукумати Ҷумҳурии Тоҷикистон тасдиқ гардид, ки то имрӯз фаъолият менамояд.

Дар солҳои аввали Истиқлолияти давлатии Ҷумҳурии Тоҷикистон Дустмуҳаммадов Зафар Абдулвоҳидович (солҳои 1985 – 2000), Мирзоева Ҳусноро Мирзоевна (солҳои 2000 – 2005), Неъматова Шаҳло Нӯъмоновна (солҳои 2005 – 2013) ба Саридораи бойгонии назди Ҳукумати Ҷумҳурии Тоҷикистон роҳбарӣ намудаанд. Аз 6 декабри соли 2013 Мирсаидова Дилором Амоновна сардори Саридораи бойгонии назди Ҳукумати Ҷумҳурии Тоҷикистон таъин гардид ва то ба имрӯз роҳбарии Саридораро ба ӯҳда доранд. Дар тӯли солҳои сипаришуда сохтори Саридора якчанд маротиба тағйир ёфта бошад ҳам, вале масъалаҳои татбиқи сиёсати давлатӣ дар соҳаи бойгонидории ҷумҳурӣ ба зиммаи Саридораи бойгонии назди Ҳукумати Ҷумҳурии Тоҷикистон боқӣ мондаанд.(Нусхаи фармону қарорҳо замима мегардад).
Нақшаи идоракунии Саридора:

Дар асоси қарори Ҳукумати Ҷумҳурии Тоҷикистон аз 28 декабри соли 2006 № 616 «Дар бораи Саридораи бойгонии назди Ҳукумати Ҷумҳурии Тоҷикистон» сохтори дастгоҳи марказӣ, нақшаи идоракунӣ ва номгӯйи муассисаҳои (ташкилотҳои) системаи Саридораи бойгонии назди Ҳукумати Ҷумҳурии Тоҷикистон тасдиқ карда шудаанд. Саридораи бойгонии назди Ҳукумати Ҷумҳурии Тоҷикистон – мақоми марказии ҳокимияти иҷроияи Ҷумҳурии Тоҷикистон мебошад ки вазифаҳои қабули санадҳои меъёрии ҳуқуқӣ, назорати риояи қонунгузорӣ оид ба кори бойгонидорӣ ва коргузорӣ дар мақомоти давлатӣ, муассисаҳо, корхонаҳо ва дигар ташкилотҳо, сарфи назар аз шакли моликият ва тобеияташон, иҷро менамояд ва ба ҳолат, рушди минбаъда ва такмили кори бойгонидорӣ дар Ҷумҳурии Тоҷикистон масъул мебошад.
Бахшҳои бойгонии мақомоти иҷроияи ҳокимияти давлатии ВМКБ, вилоятҳои Суғду Хатлон ва ноҳияҳои тобеи марказ фаъолияти соҳаро дар маҳалҳо идора мекунанд.
Сохтори дастгоҳи марказии Саридора

Сохтори дастгоҳи марказии Саридора аз роҳбарият, шӯъбаи ташкилию методӣ, ҷамъоварӣ, ташхиси арзишнокии ҳуҷҷатҳо, бойгониҳои идоравӣ ва коргузорӣ, шӯъбаи таъминоти нигоҳдории ҳуҷҷатҳо, баҳисобгирӣ ва фаъолияти илмӣ – иттилоотӣ, бахши молия ва муҳосибӣ ва баҳши ҳуқуқ иборат аст.
Дар номгӯи муассисаҳои (ташкилотҳои) системаи Саридора: Бойгонии давлатии марказии Ҷумҳурии Тоҷикистон, Филиали Бойгонии давлатии марказии Ҷумҳурии Тоҷикистон дар шаҳри Ваҳдат, Филиали Бойгонии давлатии марказии Ҷумҳурии Тоҷикистон дар шаҳраки Ҳисор, Филиали Бойгонии давлатии марказии Ҷумҳурии Тоҷикистон дар шаҳраки Ғарм, Бойгонии марказии давлатии ҳуҷҷатҳои аксу садо ва синамои Ҷумҳурии Тоҷикистон, Озмоишгоҳи марказии барқароркунӣ ва нусхабардории ҳуҷҷатҳо, Бойгонии давлатии вилояти Суғд дар шаҳри Ҳуҷанд филиалҳои онҳо,Бойгонии давлатии вилояти Хатлон дар шаҳри Қӯрғонтеппа, Бойгонии давлатии вилояти Хатлон дар шаҳри Кӯлоб, Бойгонии давлатии Вилояти Мухтори Кӯҳистони Бадахшон дар шаҳри Хоруғ шомил гардонида шудаанд.

Рохбарияти Саридора

Муҳарир: archive аз 19-06-2018, 14:15
Рохбарияти Саридора
Лангарӣ Чамила Салмон


Соли таваллуд: 10 майи соли 1966
Ҷои таваллуд: ш.Кӯлоб
Миллат: точик
Тахсилот: ол
ӣ
Соли 2009 Донишгоҳи миллии То
ҷикистонро хатм намудааст
Ихтисос: кимиё
Кадом забонхоро медонед: рус
ӣ,англисӣ 
Вакили халк аст ё не: ҳа
Ба мукофотхои давлатӣ сарфароз карда шудааст ё не: Аълочии маорифи Ҷумҳурии Тоҷикистон,дорандаи медали <<Барои хизмати шоиста>>
Вазъи оилавӣ: Оиладор
Суроға: ш.Душанбе

Кор ва фаъолияти собиқа :


Солҳои 1983 - 1988 - Донишҷуи университети давлатии Тоҷикистон ба номи В.И.Ленин.
Солҳои 1988 - 1992 - Омӯзгори фанни химияи ОКТ №38 -и шаҳри Кӯлоб.
Солҳои 1992 - 1993 - Омӯзгори фанни химияи мактаби миёнаи №1 ба номи Чкалови шаҳри Кӯлоб.
Солҳои 1993 - 1995 - Ассистенти кафедраи Химияи умумии Донишгоҳи давлатии шаҳри Кӯлоб.
Солҳои 1995 - 1996 - Ба ҳайси тадқиқотчии коромӯз дар шуъбаи химия пайвастагиҳои ғайриорганики институти химияи АИ ҶТ ба номи А.Никитин .
Солҳои 1996 - 1997 - Давом додани вазифаи тадқиқотчи коромӯз дар шуъбаи химияи пайвастагиҳои ғайриорганики институти илмӣ -тадқиқотии химияи АИ ҶТ ба номи А.Никитин.
Солҳои 1997 - 2001 - Муаллимаи калони кафедраи химияи умумии Донишгоҳи давлатии шаҳри Кӯлоб.
Солҳои 2001 - 2003 - Корманди илмии Институти тадқиқоти илмии <<Проблемаҳои об,экология ва гидроэнергетика>> -и Академияи илмҳои Ҷумҳурии Тоҷикистон.
Солҳои 2003 - 2009 - Ассистенти кафедраи химияи биоорганики ва физиоколлоидии ДДТТ ба номи Абуали Ибни Сино.
Солҳои 2009 - 2015 - Муовини ректор оид ба корҳои тарбия ва фарҳанги ДДТТ ба номи Абуали Ибни Сино.
Солҳои 2015 - 2017 - Муовини Раиси шаҳри Душанбе.

Аз соли 2017 -то ҳол Сардори Саридораи бойгонии назди Ҳукумати Ҷумҳурии Тоҷикистон.

Холмуродов Давлат

Аз 29 декабри соли 2006 №765 бо қарори Ҳукумати Ҷумҳурии Тоҷикистон муовини Сардори Саридораи бойгонии назди Ҳукумати Ҷумҳурии Тоҷикистон таъин карда шуд.
Соли таваллуд 20 январи соли 1955
Ҷои таваллуд н.Дарвоз
Миллат тоҷик
 Таҳсилот олӣ
-соли 1980 Донишгоҳи давлатии Тоҷикистонро хатм кардааст.
-Иитисос филолог,омӯзгори фанни забон ва адабиёти тоҷик
-Унвони илмӣ надорад
-Кадом забонҳои хориҷиро медонад русӣ
-Вакили Маҷлиси вакилони халқ ҳаст ё не не
-Бо мукофотҳои давлатӣ сарфароз гардида шудааст ё не бо медали «Барои хизмати шоиста»
-Вазъи оилавӣ оиладор
-Суроға ш.Душанбе
Кор ва фаъолияти собиқа

Солҳои 1972-1974- Донишҷуи Донишгоҳи давлатии Тоҷикистон
Солҳои 1974-1976- Хизмат дар сафи кувваҳои мусаллаҳ
Солҳои 1976-1980- Донишҷуи донишгоҳи давлатии Тоҷикистон
Солҳои 1980-1986- Муҳаррири хурд, муҳаррири калон, муҳаррири илмии редаксияи таърихи КПСС, СССР ба Тоҷикистони Саридораи илмии энсиклопедияи совети тоҷик (ЭСТ)
Солҳои 1986-1990- Мудирияти корҳои Шӯрои Вазирони Ҷумҳурии Тоҷикистон
Солҳои 1990-1993- Сармутахассиси шуъбаи тарҷума ва нашри корҳои Мудирияти корҳои Шурои Вазирони Ҷумҳурии Тоҷикистон
Солҳои 1993-1995- Сармутахассиси шуъбаи тарҷумаи Дастгоҳи Президенти Ҷумҳурии Тоҷикистон
Солҳои 1995-2005- Ёрдамчии муовини Сарвазири Ҷумҳурии Тоҷикистон
Солҳои 2005-2006- Сармутахассиси шуъбаи фарҳанги Дастгоҳи иҷроияи Президенти Ҷумҳурии Тоҷикистон
Аз декабри соли 2006 то ҳоло- Муовини Сардори Саридораи бойгонии назди Ҳукумати Ҷумҳурии Тоҷикистон


Ҳамаги дар сомона: 5
Истифодабарандаи аъзо шуда: 0
Меҳмон: 5